लाडकी बहीण योजना: e-KYC करण्याची संपूर्ण प्रक्रिया आणि KYC झाली आहे की नाही, हे कसे तपासावे? पहा Ladki Bahin Yojana E-KYC Check

Ladki Bahin Yojana E-KYC Check: मुख्यमंत्री माझी लाडकी बहीण योजनेच्या (Mukhyamantri Mazi Ladki Bahin Yojana) लाभार्थ्यांसाठी e-KYC करणे अनिवार्य आहे. e-KYC प्रक्रिया कशी करायची आणि ती यशस्वीरित्या पूर्ण झाली की नाही, हे तपासण्याची सोपी पद्धत खालीलप्रमाणे दिली आहे.

१. लाडकी बहीण योजना e-KYC करण्याची संपूर्ण ऑनलाईन प्रक्रिया

योजनेच्या लाभार्थ्यांनी (लाडकी बहीण) खालीलप्रमाणे e-KYC प्रक्रिया पूर्ण करावी:

पायरी १: अधिकृत संकेतस्थळाला भेट

• e-KYC करण्यासाठी अधिकृत संकेतस्थळावर जा: ladkibahin.maharashtra.gov.in/eKYC

पायरी २: लाभार्थीचे आधार प्रमाणीकरण

1. तुमचा १२ अंकी आधार क्रमांक आणि कॅप्चा कोड भरा.
2. ‘आधार प्रमाणीकरणासाठी संमती’ (मी सहमत आहे) निवडा.
3. ‘OTP पाठवा’ बटणावर क्लिक करा.
4. आधार लिंक असलेल्या मोबाईल क्रमांकावर आलेला सहा अंकी OTP टाकून ‘सबमिट करा’.

पायरी ३: पती/वडिलांचे आधार प्रमाणीकरण

1. वडिलांचा किंवा पतीचा १२ अंकी आधार क्रमांक आणि कॅप्चा कोड भरा.
2. ‘आधार प्रमाणीकरणासाठी संमती’ (मी सहमत आहे) निवडून ‘OTP पाठवा’.
3. आधार लिंक असलेल्या मोबाईलवर आलेला सहा अंकी OTP टाकून ‘सबमिट करा’.

पायरी ४: जात प्रवर्ग आणि कुटुंबाची माहिती

1. पती/वडिलांचे नाव तपासा आणि तुमचा जात प्रवर्ग (उदा. सर्वसामान्य, इतर मागासवर्ग इ.) निवडा.
2. कुटुंबाच्या उत्पन्नासंबंधी (नियमित कायम कर्मचारी/निवृत्ती वेतनधारक नाहीत) ‘होय’ हा पर्याय निवडा.
3. ‘माझ्या कुटुंबातील केवळ एक विवाहित व एक अविवाहित महिला योजनेचा लाभ घेत आहे’ यासाठी ‘होय’ निवडा.
4. ‘माहिती खरी आहे’ याला टिक करा आणि ‘सबमिट करा’.

यशस्वी संदेश: हे सर्व झाल्यावर तुम्हाला स्क्रीनवर “तुमची e-KYC पडताळणी यशस्वीरित्या पूर्ण झाली” असा मेसेज दिसेल.

२. e-KYC झाली आहे की नाही, हे कसे तपासावे?

e-KYC पूर्ण झाल्यावर तुम्हाला कोणताही वेगळा खात्रीचा मेसेज (SMS) येत नाही. त्यामुळे, तुमची प्रक्रिया खरोखर पूर्ण झाली आहे की नाही, हे तपासण्यासाठी खालील सोपी पद्धत वापरा:

1. पुन्हा संकेतस्थळावर जा: पुन्हा ladkibahin.maharashtra.gov.in/eKYC या लिंकवर भेट द्या.
2. लाभार्थीचा आधार क्रमांक भरा: लाभार्थी (लाडकी बहीण) महिलेचा १२ अंकी आधार क्रमांक, कॅप्चा आणि संमती निवडून ‘OTP पाठवा’ या बटणावर क्लिक करा.
3. स्थिती तपासा:
   • जर तुमची e-KYC यशस्वीरित्या पूर्ण झाली असेल, तर तुम्हाला OTP येणार नाही, त्याऐवजी स्क्रीनवर एक सूचना (Warning) दिसेल: “या आधार क्रमांकाची e-KYC प्रक्रिया पूर्ण झालेली आहे.”
   • ही सूचना दिसणे म्हणजे तुमची e-KYC प्रक्रिया पूर्ण झाली आहे, याची निश्चित खात्री होते.

        व्हाटसऍप ग्रुप जॉईन करा