Ladki Bahin Yojana Documents : महाराष्ट्रातील महिला सक्षमीकरणाच्या दिशेने अत्यंत महत्त्वाचे पाऊल ठरलेल्या ‘मुख्यमंत्री माझी लाडकी बहीण योजना’ च्या सर्व पात्र लाभार्थ्यांसाठी आनंदाची बातमी आहे! महिलांना मिळणाऱ्या सप्टेंबर महिन्याच्या सन्मान निधीच्या वितरणास आजपासून (१० ऑक्टोबर २०२५) सुरुवात झाली आहे.
तुमचे खाते तपासा, कारण लवकरच योजनेतील सर्व पात्र महिलांच्या आधार संलग्नित बँक खात्यात (Aadhaar Linked Bank Accounts) हा मासिक निधी जमा होईल. यासोबतच, पुढील हप्ते नियमित मिळवण्यासाठी सरकारने E-KYC (ई-केवायसी) बाबत एक अत्यंत महत्त्वाची सूचना जारी केली आहे.
सप्टेंबर महिन्याचा हप्ता वितरण सुरू
लाडक्या बहिणींना मिळणारा मासिक सन्मान निधी ₹१५०० खात्यात जमा होण्याची प्रक्रिया सुरू झाली आहे.
- वितरणाची सुरुवात: १० ऑक्टोबर २०२५ पासून सप्टेंबर महिन्याचा हप्ता वितरित करण्यास सुरुवात झाली आहे.
- पैसे जमा होणार: योजनेच्या नियमानुसार, हा निधी थेट आधार संलग्नित बँक खात्यात (DBT-Direct Benefit Transfer) जमा होतो. त्यामुळे, ज्या महिलांचे बँक खाते आधार कार्डशी जोडलेले आहे, त्यांच्या खात्यावर लवकरच पैसे जमा होतील.
सूचना: आजपासून वितरण सुरू झाले असले तरी, सर्व लाभार्थ्यांच्या खात्यात पैसे जमा होण्यास थोडा अवधी लागू शकतो. तरीही, तुम्ही तुमचे बँक खाते आजपासून चेक करू शकता.
पुढील हप्त्यांसाठी E-KYC प्रक्रिया अनिवार्य!
सप्टेंबर महिन्याचा हप्ता जरी ई-केवायसी (E-KYC) शिवाय वितरित होत असला तरी, तुमचा पुढील हप्ता (म्हणजेच ऑक्टोबर आणि त्यानंतरचे) नियमितपणे मिळवण्यासाठी सरकारने एक महत्त्वाचा नियम अनिवार्य केला आहे.
- सुविधा उपलब्ध: योजनेच्या अधिकृत संकेतस्थळावर ladakibahin.maharashtra.gov.in येथे ई-केवायसी सुविधा मागील महिन्यापासूनच उपलब्ध करून देण्यात आली आहे.
- मुदत: सर्व लाडक्या बहिणींना पुढील दोन महिन्यांच्या आत (डिसेंबर २०२५ पूर्वी) ई-केवायसी प्रक्रिया पूर्ण करण्याची नम्र विनंती करण्यात येत आहे.
- अंतिम इशारा: जर तुम्ही डिसेंबर २०२५ पूर्वी ई-केवायसी प्रक्रिया पूर्ण केली नाही, तर त्यानंतरचे हप्ते थांबवले जातील.
महत्वाचे: या ई-केवायसी प्रक्रियेत कुटुंबातील पती किंवा वडिलांचे आधार कार्ड प्रमाणीकरण होत आहे. यामुळे केवळ पात्र महिलांनाच पुढे लाभ मिळेल आणि अपात्र महिला योजनेतून बाद होतील. त्यामुळे, तुमचा हप्ता नियमित हवा असल्यास, लवकरात लवकर ही प्रक्रिया पूर्ण करा.
परंतु लाडक्या बहिणींनो, सप्टेंबर चा हप्ता मिळण्यासाठी दोन कागदपत्रे अत्यंत महत्त्वाचे आहेत
- महाराष्ट्र राज्याचे रहिवाशी असल्याचे प्रमाणपत्र
- रेशन कार्ड मध्ये पात्र महिलेचे नाव नोंदणी असावे
व्हाटसऍप ग्रुप जॉईन करा