लाडक्या बहीणींनो, संपूर्ण e-KYC (केवायसी) फक्त २ मिनिटात करा! ‘ही’ केवायसी ची योग्य वेळ Ladki Bahin Yojana E-KYC List

Ladki Bahin Yojana E-KYC List : मुख्यमंत्री माझी लाडकी बहीण योजनेच्या (Mukhyamantri Majhi Ladki Bahin Yojana) सर्व लाभार्थी महिलांना आता ई-केवायसी (e-KYC) प्रक्रिया पूर्ण करणे बंधनकारक आहे. या योजनेअंतर्गत, २१ ते ६५ वर्षे वयोगटातील महिलांना दरमहा ₹१,५०० ची आर्थिक मदत दिली जाते.

Ladki Bahin Yojana E-KYC List

मंत्री आदिती तटकरे यांनी दोन महिन्यांच्या आत ई-केवायसी प्रक्रिया पूर्ण करण्याचे आवाहन केले आहे, जेणेकरून सन्मान निधी वितरणात सुलभता येईल.

ई-केवायसी (e-KYC) प्रक्रिया कशी करावी?

ई-केवायसी प्रक्रिया पूर्ण करण्यासाठी खालील टप्पे (Steps) सविस्तर दिले आहेत:

टप्पा १: संकेतस्थळाला भेट आणि लाभार्थी प्रमाणीकरण

1. संकेतस्थळ (Official Website): मुख्यमंत्री-माझी लाडकी बहीण योजनेच्या e-KYC साठी https://ladakibahin.maharashtra.gov.in/ या अधिकृत संकेतस्थळाला भेट द्या.
2. e-KYC बॅनर: मुखपृष्ठावर असलेल्या e-KYC बॅनरवर क्लिक करा.
3. आधार आणि Captcha: तुमचा आधार क्रमांक आणि पडताळणी संकेतांक (Captcha Code) नमूद करा.
4. OTP पाठवा आणि सबमिट करा: आधार प्रमाणीकरणासाठी संमती देऊन सेंड ओटीपी (Send OTP) बटणावर क्लिक करा. आधारशी लिंक असलेल्या मोबाईल क्रमांकावर आलेला OTP टाकून सबमिट बटणावर क्लिक करावे.

टप्पा २: पात्रता आणि पती/वडिलांचे प्रमाणीकरण

1. पात्रता तपासणी: प्रणाली तपासेल की लाभार्थ्याची केवायसी आधीच पूर्ण झाली आहे की नाही.
   • जर पूर्ण झाली असेल, तर “ई-केवायसी आधीच पूर्ण झाली आहे” असा मेसेज दिसेल.
2. पती/वडिलांचा आधार: जर KYC अपूर्ण असेल, तर पुढील चरणात पती किंवा वडिलांचा आधार क्रमांक आणि Captcha Code नमूद करा.
3. OTP सबमिट करा: संमती दर्शवून सेंड ओटीपीवर क्लिक करा. संबंधित मोबाईलवर OTP आल्यावर तो नमूद करून सबमिट बटणावर क्लिक करावे.

टप्पा ३: घोषणापत्र (Declaration) आणि अंतिम सबमिशन

1. जात प्रवर्ग निवडा: लाभार्थ्याला त्याचा जात प्रवर्ग निवडावा लागेल.
2. प्रमाणपत्र (Declaration): खालील दोन बाबींची घोषणा (Declaration) करा:
   • माझ्या कुटुंबातील सदस्य नियमित/कायम कर्मचारी म्हणून शासकीय/निमशासकीय सेवेत कार्यरत नाहीत अथवा सेवानिवृत्तीनंतर निवृत्तीवेतन घेत नाहीत.
   • माझ्या कुटुंबातील केवळ १ विवाहित आणि १ अविवाहित महिला या योजनेचा लाभ घेत आहे.
3. अंतिम सबमिट: वरील बाबींची नोंद करून चेक बॉक्सवर क्लिक करा आणि सबमिट बटण दाबा.
4. यशस्वी संदेश: शेवटी, “Success – तुमची e-KYC पडताळणी यशस्वीरित्या पूर्ण झाली आहे” असा मेसेज दिसेल.

        व्हाटसऍप ग्रुप जॉईन करा