मुख्यमंत्री माझी लाडकी बहीण योजनेच्या लाभार्थ्यांसाठी e-KYC करणे अनिवार्य आहे. e-KYC यशस्वीरित्या पूर्ण झाली की नाही, हे तपासाण्यासाठी कोणताही मेसेज येत नाही. परंतु एका सोप्या पद्धतीने तुम्ही तुमच्या e-KYC ची स्थिती तपासू शकता.
१. e-KYC करण्याची संपूर्ण ऑनलाईन प्रक्रिया
लाडकी बहीण योजनेची e-KYC प्रक्रिया खालीलप्रमाणे पूर्ण करता येते:
पायरी १: संकेतस्थळावर भेट
- सर्वात आधी लाडकी बहीण योजनेच्या e-KYC साठीच्या अधिकृत संकेतस्थळावर जा:
ladkibahin.maharashtra.gov.in/eKYC. - तुम्हाला ‘e-KYC मुख्यमंत्री माझी लाडकी बहीण योजना’ हे शीर्षक दिसेल.
पायरी २: लाभार्थीचे आधार प्रमाणीकरण
- तुमचा १२ अंकी आधार क्रमांक योग्यरित्या एंटर करा.
- बाजूला दिलेला कॅप्चा कोड (Captcha) टाका.
- खालील आधार प्रमाणीकरणाच्या संमतीला (मी सहमत आहे) टिक करा.
- ‘OTP पाठवा’ या बटणावर क्लिक करा.
- तुमच्या आधार लिंक असलेल्या मोबाईल क्रमांकावर आलेला सहा अंकी OTP टाका आणि ‘सबमिट करा’ या बटणावर क्लिक करा.
पायरी ३: पती/वडिलांचे आधार प्रमाणीकरण
- आता तुम्हाला वडिलांचा किंवा पतीचा १२ अंकी आधार क्रमांक एंटर करायचा आहे. (नंबर बरोबर आहे की नाही, हे आयकॉनवर क्लिक करून तपासा.)
- बाजूला दिलेला कॅप्चा कोड पुन्हा टाका.
- आधार प्रमाणीकरणाच्या संमतीला ‘मी सहमत आहे’ या पर्यायावर क्लिक करा आणि ‘OTP पाठवा’ या बटणावर क्लिक करा.
- आधार लिंक असलेल्या मोबाईलवर आलेला सहा अंकी OTP टाकून ‘सबमिट करा’ या बटणावर क्लिक करा.
पायरी ४: जात प्रवर्ग आणि कुटुंबाची माहिती
- आता स्क्रीनवर पती/वडिलांचे नाव दिसेल.
- तुमचा जात प्रवर्ग (उदा. अनुसूचित जाती, इतर मागासवर्ग, सर्वसामान्य) निवडा.
- खालील दोन घोषणांसाठी ‘होय’ हा पर्याय निवडा:
- माझ्या कुटुंबातील सदस्य नियमित कायम कर्मचारी/निवृत्ती वेतनधारक नाहीत.
- माझ्या कुटुंबातील केवळ एक विवाहित व एक अविवाहित महिला योजनेचा लाभ घेत आहे.
- ‘वरील माहिती खरी आहे’ याला टिक करा आणि ‘सबमिट करा’ या बटणावर क्लिक करा.
यशस्वी संदेश: हे सर्व झाल्यावर तुम्हाला “तुमची e-KYC पडताळणी यशस्वीरित्या पूर्ण झाली” असा मेसेज दिसेल.
२. e-KYC झाली आहे की नाही, हे कसे तपासावे?
e-KYC पूर्ण झाल्यानंतर खात्रीसाठी कोणताही मेसेज (SMS) येत नाही. त्यामुळे खालील पद्धतीने तुम्ही e-KYC ची स्थिती तपासू शकता:
- पुन्हा संकेतस्थळावर जा: पुन्हा
ladkibahin.maharashtra.gov.in/eKYCया संकेतस्थळावर भेट द्या. - आधार क्रमांक टाका: लाभार्थी (लाडकी बहीण) महिलेचा १२ अंकी आधार क्रमांक, कॅप्चा आणि संमती देऊन ‘OTP पाठवा’ या बटणावर क्लिक करा.
- स्थिती तपासा:
- जर तुमची e-KYC यशस्वीरित्या पूर्ण झाली असेल, तर तुम्हाला स्क्रीनवर “या आधार क्रमांकाची e-KYC प्रक्रिया पूर्ण झालेली आहे” अशी सूचना (Warning) येईल.
- जर प्रक्रिया पूर्ण झाली नसेल, तर तुम्हाला OTP येईल आणि पुढील प्रक्रिया पुन्हा करावी लागेल.
टीप: e-KYC पूर्ण झाल्यावर ही ‘वॉर्निंग’ दिसणे म्हणजे तुमची प्रक्रिया १००% पूर्ण झाली आहे, याची खात्री होते.
व्हाटसऍप ग्रुप जॉईन करा